مجموعة من أشعار الشاعر ياسر الغريب

حروفك نار
بتاكل فيك
فبطل لعب
بقي بالنار
‏
ماتستهونش
لما إيديك
بتكتب فيك
دي مش أشعار
وبطل مسح في المكتوب
علي جبينك
وبطل لعب
بالأحلام
لاتلعب بيك
حروفك نار
بتاكل فيك


 ***



بتروح بأحلامي
وارجع لأحزاني
بتسيب إيديا باتوه
في بحر حرماني

شديني
عالي الموج
والدنيا هداني

***

صوابعك شمع
وكاسك دمع
وناسك

ولا بصر ولا سمع
حياتك بوح
ورايحه الروح
و كفك في الحديد مدبوح
وبتولع صوابعك شمع

***

 
صرخه واقفه ف صدري ماسكه في الضلوع
زي سحابه سودا
بتحوش دموع
سد للفيضان يا قلبي

بس شقاك الصدوع

***