شباب اليوم مع عزة أبو العز *** البطل الصاعد محمد شريف باهر

محمد شريف باهر شاب مصرى متميز نموذج للرياضى المجد والمجتهد 
السن / 19 عام 
لاعب جوجيتسو برازيلى فريق برو بلس تدريب الكابتن عبد الهادى عبد السلام
يمارس رياضة الجوجيسو من سنتين 
وحقق فيها نتائج مبهرة 
حاصل على المركز الأول فى بطولة مصر المفتوحة السابعة 2016 ببدله تحت 19 سنة 
حقق مركز ثالث بدون بدلة تحت 19 سنة فى نفس البطولة 
حقق مركز ثالث تحت 35 سنة بدون بدلة 
حاصل على المركز الثالث فى بطولة مصر المفتوحة للجوجيتسو لعام 2015 بدون بدلة تحت 19 سنة 
مارس رياضة الجودو وحاصل على الحزام الأزرق فى الجودو 
حاصل على ثلاث بطولات فى الجودو 
حاصل على مركز ثالث فى بطولة نادى الصيد 2013 
حاصل على مركز ثالث فى بطولة صيد القطامية 2013 
حاصل على مركز ثانى فى بطولة نادى الرحاب جودو 2014 
يدرس فى الاعلام ويكمل مشوار البطولات 
كل التوفيق لباهر خيرة شباب اليوم 
عزة أبو العز

أمور الحياة *** كلمات أشجان سليمان

... أمور الحياة ...
كلماتى : اشجان سليمان
------------------------
اصعب أمور الحياة
انك تعيش ملهاة
يضحك الكل فى وِشك
وما تعرف مين بيغشك
واحد يقول انت حبيبى
واخويا وصاحبى وقريبى
وانت بحسن ظنك تصدق
وعمرك ما تقدر تفرق
بين الطيب والرٓدِى
وواحد يعمل مؤامرة
وكأنه داخل مغامرة
ويراهن عليك
انه يقدر فى ثانية
ياخدك البحر بخدعة
ويرجعك عطشان
وواحد زي الديابة
يلبس توب البراءة
بإيد يدبحك
وإيد يسلم عليك
دى دنيا فيها العجب
ولكل شئ سبب
لو كان فيه ادب
ما حد يتطاول عليك
قلوب لونها بهتان
سوادها الغامق بيبان
وان فكرت يوم الملام
يضيع الود ويتوه الكلام
ولا ينفع معاهم عتب ..!!

كذبتك القول *** الشاعر محمد فوزى حمزة

طبعك وحش *** بقلم الشاعر محمد رمضان

** - طبعك وحش - **
يا دُنيا أيه مالك
طبعك وِحِش
كده ليه .
ب توَطي
في العالي
و الواطي
ب تعليه .
فيكي الأصيل
متهان
و الكلب عامل
بيَه .
مع إنه لو كان
كلب
كان يبقى أشرف
لِيه .
........... عجبي

أطفال ماما عزة الشطار *** مدثر ممدوح سليم

مدثر ممدوح سليم 
موهبة من مواهب أطفال ماما عزة الشطار 
حاصل على المركز الأول فى بطولة كميكازى الدولية ( كيك بوكسينج جلورى ) 
السن 13 سنة من محافظة القاهرة 
متفوق دراسياً 
الهوايات / لاعب رياضات فنون قتال 
حاصل على بطولة شوى جياو ( مصارعة صينى ) 
حاصل على بطولة نمور كوشو 
حاصل على بطولة الرجل الذهبية كوشو 
حاصل على بطولة كيك بوكسينج جلورى 
حاصل على درع التميز من ملتقى عزة أبو العز للموهوبين والمبدعين العرب  الأول 2016 
كل التوفيق لمدثر البطل الذهبى 
تحياتى / ماما عزة

شباب اليوم مع عزة أبو العز - البطل أحمد ممدوح السيد

***** أحمد ممدوح السيد *****
شاب مصرى خلوق ورياضى متميز
أحمد عمره 18 سنه من محافظة القليوبية
حاصل على أول جمهورية مرتين
حاصل على ثالث جمهورية
حاصل على المركز الأول فى بطولة efc ,وحاصل على أول جمهورية بوكس مدارس
كل التحية والتقدير لأحمد البطل خيرة شباب اليوم
#عزة أبو العز

استنى .. أوعى تنام *** بقلم أشجان سليمان

استنى .. إوعى تنام
----------------------
استنى .. إوعى تنام
ارسم حلمك ع الحيطان
شد املك من بين سحاب القهر
واكتب اسمك وسجل العنوان
اثبت وحودك ده القول قولك
ولو خسرت تبقى انت الغلطان
شد حيلك وارسم خطوة لسكتك
وارمى حمولك على الرحمن
الحقيقة تبدأ بحلم
والميل بدايته خطوة
وان غلبك النوم فى لحظة
قوله ابعد لكل فارس كبوة
لكن انّا فارس
من اشجع الفرسان
سيفى فى ايدى
وانا ها دق كل البيبان
ما تلوم الا نفسك
وركز وابعد عن النسيان
مفيش مستحيل
والشقي والتعب للجدعان
ابدا بداية صح
وارسم حلمك ع الحيطان ..!!

أطفال ماما عزة الشطار ** مريم هادى محمد صبحى

((( مبرووووووووووووك *** مريم هادى محمد صبحى )))
مبروك فوز اللاعبة الصغيرة مريم هادى محمد صبحى فوزها بالمركز الأول فى أسلوب باجوا 
فى بطولة السوبر للأندية فى الأساليب الترادشينال المقامة فى رأس البر بدمياط يومى 27, 28,29 / 10 الجارى 

شملت الأساليب : باجى - باجوا - فانزى - شى نى - سيف الدابل - داداو
جدير بالذكر أن اللاعبة مريم موهبة من مواهب أطفال ماما عزة الشطار عمرها 10 سنوات لاعبة وشو كونغ فو أساليب 
تلعب شمالى / سيف عريض / زانة شمالى 
حاصلة على المركز الأول فى الثلاثة قاهرة 
حاصلة على مركز أول جمهورية 
ومركز ثانى جمهورية 
وحاصلة على درع التميز من ملتقى عزة أبو العز للموهوبين والمبدعين العرب للعام الأول 2016 
قدمت عرض رياضى فنى نال اعجاب ضيوف الملتقى .

مبروك بيشوى

((( مبروك بيشوى )))
 ملتقى عزة أبو العز للموهوبين والمبدعين العرب يتقدم  للشاب الرياضى الموهوب بيشوى جرجس نجيب
بالتهنئة لحصوله على مركز أول فى بطولة كاميكازى الدولية ( كيك بوكسينج جلورى )
بيشوى عمره 16 سنة من محافظة القاهرة / طالب فى الصف الأول الثانوى بمدرسة على بن أبى طالب الثانوية بحلوان
يمارس الرياضة منذ 7 سنوات / بدأ بالكراتيه وحاصل على الحزام البنى الأول
ثم دخل كوشو وشارك فى 21 بطولة وحقق عدد من المراكز والبطولات منها
الرجل الذهبية ( 1&2&3 ) / بطولة الجبابرة كيك بوكسينج 1 و2
بطولة افريقيا لى تاى
كوشو كينج / كوشو كيدز / الاسطورة كيك بوكسينج / وشوى جياو - مصارعة صينى
كل التحية والتقدير بيشوى البطل خيرة شباب اليوم
#عزة أبو العز